Egoera "kontrolpean" dago jada, BBC telebista kateak jakinarazi duenez. Nolanahi ere, Genevako aireportua itxi du Suitzako Poliziak, badaezpada. Ethiopian Airlines konpainiakoa zen bahitutako hegazkina, eta airelineak azaldu du bidaiariak eta tripulazioko kideak onik direla.
Radwad Hussein Etiopiako Gobernuko bozeramaileak azaldu du Jartum Sudango hiriburuan geldialdia egin duela hegazkinak eta litekeena dela ustezko bahitzailea bertan sartu izana. "Ez dakigu zenbat diren eta nongoak diren, baina badirudi Jartumen sartu direla hegazkinean", azaldu du.
