"Indar armatuak izatearen arrazoia herrialdea eta Hego Koreako herria babestea da, eta edozein probokaziori gogor erantzun behar diogu, inolako begirune politikorik gabe", esan du presidenteak.
Kim Kwan Jin Defentsa ministroarekin bildu ondoren egin ditu adierazpenok. Kwan Jin aurreratu duenez, plan bat prestatzen ari dira edozein "mehatxu nuklear" berehala indargabetu ahal izateko. Horretarako, "kate hilkor bat" prestatuko dute, helburu nuklearrak erasotu eta suntsitzeko sistema bat. Horrekin batera, aireko segurtasun indarrak hedatzea ere pentsatzen ari dira.
Defentsa Ministerioaren plana urrian onartzea espero da Kongresuan.
