Hego Koreak kohete bat jaurti du espaziora lehenengoz

Naro-1 izeneko kohetea jaurti du Hego Koreak gaur, lehenengoz. Errusiaren laguntza teknikoa izan du horretarako. Naro-1en xedea, ikerketa zientifikoa egiten duen satelite bat orbitan jartzea da eta beharrezko bi faseak arrakastatsuak izan direla jakinarazi dute. Naro-1 koheteak 33 metro ditu eta 140 tonako pisua du.

Pasa den astean kohete bat espaziora jaurtitzeko saiakera egin zuen Hego Koreak, baina azkenean bertan behera utzi zuten.