Hego Sudanen 37 lagun hil dituzte bilkura batean

KAIRO. Hego Sudanen eta Sudanen arteko egoera «gerrakoa» dela ohartarazi du Sudango presidente Omar al-Baxirrek. Indarkeria egoeraren azken adibidea atzo Hego Sudango Mayendit herrian gertatutakoa izan da. Hiru estatutako eta NBEko ordezkariak bilduta zeuden han, etnien arteko borroken inguruan negoziatzeko. Uniformez jantzitako talde batek, baina, jendetzari tiro egin eta gutxienez 37 lagun hil zituen.