Hegoafrikako meatzariek greba utziko dute

PRETORIA. Hegoafrikako Marikana meatzeetako langileek greba utziko dutela iragarri dute Lonmin enpresaren eta meatzarien arteko gatazkako bitartekariek. Jo Seoka gotzainak jakinarazi duenez, Lonminek soldatak %22 igotzea eskaini die langileei. Marikanan abuztuaren 10ean hasi zuten greba, lan baldintzak salatzeko. Hil horren 16an, Poliziak 34 meatzari hil zituen protesta batean.