Jacob Zuma Afrikako Kongresu Nazionaleko presidentea -aste honetatik da- eta Hegoafrikako lehendakarigaia inputa egin dezakete ustezko ustelkeria kasuagatik, gaur Mokotedi Mpshe Fiskaltzako behin-behineko zuzendariak esan duenez.
"Azkar" hartuko dute hura auzipetzeko erabakia. "Izan ere, ikerketan orain arte ditugun datuak nabarmenak dira, eta kasua auzitegietara joan daiteke", adierazi du Mpshek.
2009an izango dira Hegoafrikako hauteskundeak. Thabo Mbeki da gaur egungo presidentea.
1999ko kasu bat leporatu nahi diote Zumari -Hegoafrikako presidenteordea zen orduan-. Enpresa batek dirua ematen ziola egozten diote, enpresak hark Gobernuarekin kontratu handiak lortu ahal izateko.
Mundua
Hegoafrikako presidentegaia inputa dezakete ustezko ustelkeriagatik
Iruzkinak
Ez dago iruzkinik
Ordenatu
