Manos Limpias eta Libertad e Identidad elkarteek osatutako herri akusazioak hogei urteko kargugabetzea eskatu du gaur Baltasar Garzon Espainiako Auzitegi Nazionaleko epailearentzat, frankismoko hilketak ikertzeko agindua eman zuenean prebarikazioa egin zuelakoan. Elkarteen arabera, eskumen hori ez zegokion Garzoni, "eta hori berak bazekien".
Luis Navajas fiskalak absoluzioa eskatu du.
Gaur bukatu da epaiketa Espainiako Auzitegi Gorenean, eta ondorioak plazaratu dituzte parteek.
Gaur ere Garzonen aldeko hainbat lagun bildu da auzitegi atarian. Frankismoko biktimekiko justizia galdegin dute.
