HERRIALDE OSOA ISILIK, DOLUMINEZ

Belgikara iritsi ziren atzo Suitzako autobus istripuan hil zirenen gorpuak, 22 haurrenak eta sei heldurenak. Militarrek gorpuak garraiatu ostean,dolurako tartea hartu zuten herritarrek. Instituzio publikoetan, lantegietan, garraio enpresetan eta komunikabideetan, besteak beste, euren jarduna geratu zuten, hildakoen alde isilunea egiteko. Argazkian, Europako Kontseiluko langileak daude, Bruselako egoitzan. Oraindik ez dute argitu zergatik gertatu zen istripua.