Hesiaren aurkako manifestazioan zebilen gazte bat hil dute Israelgo militarrek

Israel Zisjordanian eraikitzen ari den hesiaren aurkako manifestazio batean zebilen gazte bat hil zuten Israelgo militarrek atzo Betania herrian. Gaztea zauritu egin zuten militarrek, eta, ondoren, Ramalako ospitalean hil zen. Bestalde, milaka palestinarrek egin zuten atzo George Bush AEBetako presidenteren eta Ariel Sharon Israelgo Lehen ministroaren akordioaren aurkako protesta Jabalian. Protestan Bush eta Sharon irudikatzen zuten panpinak erre zituzten manifestariek.