Hildako bat Libanoko Gobernuaren aldeko eta kontrakoen borroketan

Libanoko Gobernuaren aldeko eta kontrakoen artean borroka gogorrak egon dira gaur, eta pertsona bat hil da eta gutxienez hamalau zauritu dira. Beirut hiriburuan hainbat auto erre dituzte eta hirian arazo handiak sortu dira.

Borroka horiek duela bi hilabetetik daude. Gaur xiiten milizia Hezbolak eta oposizioko beste alderdi batzuek grebara deitu dute, eta sindikatuen babesa jaso dute. Fuad Saniora Libanoko lehen ministroak herritarrei dei egin die ez egiteko greba, eta banketxeen eta enpresarien babesa jaso du.