Hillary Clinton AEBtako Estatu Idazkari izan liteke
Barack Obamaren aholkulariak Alderdi Demokrataren hautagaitzarako lehian arerio izandakoa postu hori betetzea pentsatzen ari dira, NBC telebista katearen arabera. Clintonen bulegokoek, ordea, erabaki hori Obamari soilik dagokiola adierazi dute.
AEBtako NBC telebista katearen arabera, Hillary Clinton izan liteke Obamaren Administrazioko Estatu Idazkari -atzerri ministroaren baliokide da-. Presidente hautatuaren aholkulariek beragan ari dira pentsatzen postu hori betetzeko. Clintonen laguntzaileek, ordea, erabaki hori Obamari eta bere taldeari "bakarrik" dagokiola adierazi dute. Iturri beraren arabera, Clinton ezagutzen dutenek kargu hori "gustura" hartuko lukeela iritzi diote. Beste hautagai batzuk John Kerry eta Bill Richardson dira. AEBtako presidentetzarako hautagai demokrata izateko Obamaren arerio izan zen Clinton.
Iruzkinak
Ez dago iruzkinik
Ordenatu
