Irakeko okupazioa

Hiru bonba eztandarazi dituzte Bagdaden eta gutxienez bederatzi lagun hil dira

Bata bestearen atzetik leherrarazi dituzte hiru bonba Bagdadeko auzo kristau nagusian. Bederatzi lagun hil dira eztanden ondorioz eta beste 71 zauritu dira. Bestalde, Iraken izandako beste hainbat erasotan lau irakiar eta soldadu estatubatuar bat hil dira.

2006ko urriaren 4a
17:27
Entzun
Poliziaren arabera, hamar minuturen buruan eztandarazi dituzte hiru lehergailuak. Bonba auto bat eta beste bi lehergailu errepide ertzean zeuden jarrita eta eguerdian eztandarazi dituzte. Bederatzi lagun hil dira eta beste 71 zauritu. Inguruko autoak eta eraikin baten zati bat ere suntsitu dira leherketaren ondorioz. Apur bat lehenago, beste bi polizia hil eta bi zauritu dira. Autoan zihoazela bonba batek leher egin du beraien bidea.

Bakuban ere eraso bat izan da gaur. Armadun gizonez osatutako talde batek poliziaren patruila bati eraso egin dio. Bi polizia hil eta beste bi zauritu dituzte Poliziako iturrien arabera.

Azkenik, AEBetako Armadako buruek jakinarazi dutenez, soldadu estatubatuar bat hil da gaur Kirkuketik hurbil.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.