Hiru hilabeteren ondoren Castroren irudiak zabaldu dituzte

Fidel Castro Kubako buruzagi nagusiaren irudiak zabaldu ditu hango telebistak. Joan den astelehenean Hugo Chavez Venezuelako presidentearekin egin zuen bileran grabatutakoak dira, eta hiru hilabetean zabaldu diren Castroren lehendabiziko irudiak.

Txandalarekin jantzita eta oso argal ageri da Kubako buruzagi nagusia irudi horietan, baina zutik Chavezi harrera egiteko.

Chavezek agertu du bi orduz egon zirela elkarrekin, eta "umoretsu eta adoretsu" aurkitu zuela. Uztailaren 26an egin zuen jendaurreko azken aldia Castrok, eta ondoren, Raul anaiaren esku utzi zuen agintea, "behin-behinean" gaixo zegoela-eta.

Gaitzaren inguruan hainbat zurrumurru ibili dira, baina hasieran zabaldu zen bezala hesteetako minbizia duela ukatu egin dute artatu duten medikuek. Nolanahi ere, Castrok 80 urte ditu.