Hiru polizia hil dira Al Mansurren; AEBtako soldadu bat Al Anbarren

Irakeko erresistentziak ekintza berriak burutu ditu gaur goizaldean Irakeko hainbat eskualdeetan. Ameriketako Estatu Batuetako iturri militarrek kaleratutako prentsa ohar batek jakitera eman duenez, hiru polizia hil eta sei zauritu dira Irak iparraldean dagoen Al Mansur hirian izandako erasoan. Oharraren arabera, ekintzaileek poliziaz betetako ibilgailu bat erasotu dute. Erasotzaileek lehergailu bat eztandarazi dute ibilgailuaren ondoan; poliziak ibilgailutik jaitsi direnean, tirokatu egin dituzte.