Hiru turista errusiar hil dituzte Ipar Kaukason

MOSKU. Hiru turista errusiar hil zituzten atzo Ipar Kaukason, Zaiukovo hiriaren sarreran, eta beste hiru larri zauritu. Taxian zihoazen, eta bi kaputxadunek atea irekiarazi zieten; baina emakume batek uko egin zion ateratzeari, eta gainerakoak hura babesten saiatu zirenean, metrailetarekin taxia tirokatu zuten. Zergatiak ikertzen ari dira.