Hosni Mubarak Egiptoko presidente ohia epaitzen ari den auzitegiak diru publikoa bidegabeki erabili zuela ebatzi du, eta hiru urteko zigorra betetzera zigortu du. Harekin batera Alaa eta Gamal semeak ere zigortu dituzte, lau urteko zigorra betetzera.
17,4 milioi dolar bereganatu zituztelakoan epaitu dituzte Mubarak sendiko hiru kideak. Diru hori euren jauregiak berritzeko erabili zutela diote. Botere gehiegikeriagatik eta bere agintearen kontra altxatu ziren herritarrak hiltzeagatik ere auzipetuta dago Mubarak.
