Estatu kolpea
•1960. Erresuma Batua eta Italiaren mende zeuden bi aldeak batu, eta independentzia eskuratu zuten. Abdula Osman Daar izendatu zuten presidente.
•1969. Muhamad Siad Barrek estatu kolpea eman zuen.
•1991. Barre diktadorea ez zen hamarkada bat lehenago sortu zen oposizioa kontrolatzeko gai izan, eta atzerrira ihes egin zuen.
Gerrako jauntxoak
•1992. AEBek eta NBEk kasko urdinak bidali zituzten. Gerrako jauntxoen esku zen herrialdea.
•2001. Dozenaka lagun hil ziren armadaren eta gerrillarien arteko borroketan.
•2004. Bake prozesuari ekin zioten Kenyan; Legebiltzarra eratzea hitzartu zuten. Presidentea eta lehen ministroa atzerrian babestu ziren, Kenyan. Ehunka lagun hil ziren gerrillarien arteko borroketan.
Milizia islamista
•2006. Epaitegi Islamikoen Batasunaren miliziek mendean hartu zuten herrialdea, hiriburua barne. Gerra jauntxoek amore eman zuten orduan.
•2011. Somaliako bost eskualdetan gosetea dagoela jakinarazi du Nazio Batuen Erakundeak. Al Shabab milizia hiriburutik erretiratu da; egun hegoaldea du kontrolpean.
