HONDAMENDIAREN 25. URTEURRENA

Atzo 25 urte bete ziren Txernobylgo (Ukraina) zentral nuklearreko laugarren erreaktoreak eztanda egin zuenetik. Gertakari hark inoizko hondamendi nuklearrik larriena eragin zuen. Hainbat hiritan, biktimak gogora ekarri eta erradiazioa geldiarazteko lanean aritu zirenak omendu zituzten. Irudian, emakumezko bat Kieven, hondamendian hildako senide baten argazkiarekin. Bilbon ere elkarretaratzea egin zuten Txernobylgo Umeak elkarteak antolatuta.