Felix urakanak bere bidea egiten segitzen du Karibe aldean, kalte handiak eraginez haizeteekin eta euriteekin. Gaur Honduras eta Nikaragua astintzen hasi da. Gainera, azken orduetan urakana bortitzagoa da, 4. puntutik 5.enera igo delako, eta orduko 260 kilometroko abiaduran dabil. Herritarrak jakiekin, erregaiekin eta bestelakoekin hornitu dira aurreko egunetan.
Hondurasko arduradunek esan dute urakana herrialdearen ipar-ekitaldeko zati batean izango dela, atzera Karibera irteteko, eta ez dute baztertu ahultzea edo norabidez aldatzea mendikateekin topo egitean. "Indar pixka bat galdu duen arren, oso kalte larriak sor ditzake", esan du Manuel Zelaya Hondurasko presidenteak.
Hartutako neurrien artean, adibidez, argi gorria piztuta dagoen Hondurasko eskualdeetan -seitan-, klaseak bertan behera utzi dituzte.
Felix urakana "izugarri arriskutsua" da, Urakanen Zentroko arduradunek adierazi dutenez. Mendebalderantz orduko 32 kilometro egiten ditu. Orain arte kalte handiak eragin ditu Venezuelan -Granada irlan, batik bat- edota Kolonbian -La Guajiran-.
Honduras eta Nikaragua astintzen hasi da 'Felix' urakana
"Indar pixka bat galdu duen arren, oso kalte larriak sor ditzake", esan du Zelaya Hondurasko presidenteak. Orduko 260 kilometroko abiaduran dabil orain.
Iruzkinak
Ez dago iruzkinik
Ordenatu
