Yemengo Parlamentuak immunitatea onartu dio gaur goizean Ali Abdala Sale Yemenego presidenteari, agintea utzi dezan. Aho batez hartu du erabakia Parlamentuak, Salek agintea uzteko aurretik jarritako baldintza onartuz. Ondorioz, Yemenego epaitegiek ezingo dute Sale epaitu. Erabakiak immunitatea aitortzen die Saleren agintaldian erakunde zibil eta militarren arduradun izan direnei, terrorismo kasuak salbuespen hartuta.
Legebiltzarreko alderdiek, gainera, onartu du Abdo Rabu Mansur Hadi presidenteordea otsailaren 21eko hauteskundeetara aukeztea. Onespen hori hautagai guztiek behar dute, Konstituzioaren arabera. Oraingoz hautagai bakarra da Hadi, eta behin behinean agintea jasoko du hauteskundeak bitartean. Salek 33 urte egin ditu agintean, eta orain urtebete, urtarrilaren 27an hasi ziren protesten ondorioz utzi behar izan du.
