Independentziari epea jarri diote Katalunian

BARTZELONA. Irailaren 27ko bozen osteko agertokiari buruz aurreakordio bat egin dute CDC, ERC, ANC, Omnium Cultural eta AMIk. Boz plebiszitarioetan «gehiengo nahiko bat» lortuz gero, 18 hilabeteko epea jarri dute burujabetza adierazpen bat egin, Kataluniako Konstituzioa idatzi, berriz erreferenduma egin eta «estatu berria» aldarrikatzeko.