Kolonbiako armadak Ingrid Betancourt, Kolonbiakoko presidentetzarako hautagai ohia eta Keith Stansell, Marc Gonsalvez eta Thomas Howes estatubatuarrak bizirik daudela frogatzen duten aztarna batzuk aurkitu ditu, Luis Carlos Restrepo Kolonbiako Bakerako komisionatuak jakinarazi duenez. Gaur goizaldean Kolonbiako armadak hiru pertsona atxilotu ditu ustez FARCekin harremana dutelakoan, eta hainbat material atzeman dizkie. Horien artean bideo batzuk, bahituek idatzitako zazpi eskutitz eta memoria digital bat daude.
Urriaren 23 edo 24an grabatutako irudiak dira, armadaren iritziz. Betancourt ageri den bideoa urriaren 24koa da. Bertan, belauniko eta burua behera begira duela agertzen da, Juan Carlos Buitrago eta Jairo Duran poliziekin batera. Urriaren 23ko irudiak, berriz, Erasmo Romero Kolonbiako armadako sarjentoa eta Dianel Rodriguez tenientearenak dira. Estatubatuarrak ageri diren irudiak, urtarrilaren 1ekoak direla adierazi du Restrepok.
Ingrid Betancourt 2002an bahitu zuten FARC Kolonbiako gerrilak eta orain arte ez da aurkitu bizirik dagoela frogatzen duen aztarnarik.
Kolonbia
Ingrid Betancourt bizirik dagoela frogatzen duten aztarnak aurkitu ditu Kolonbiako armadak
Bideo batzuk, bahituen eskutitzak eta memoria digital bat topatu dituzte. Horien artean Kolonbiako presidentetzarako hautagai ohia ageri da belauniko eta lurrera begira.
Iruzkinak
Ez dago iruzkinik
Ordenatu
