Interfax albiste agentziaren arabera, "lehergailu batek eztanda egin du lehen ministroa zihoan auto ilararen ondoan". Leherketak Ibahim Malsigov Ingushetiako lehen ministroa zauritu du, baina gobernuburuaren bizkarzaina hil egin da, eta inguruan zeuden pertsona gehiago zauritu ditu.
Polizia iturrien arabera bi leherketa izan dira, eta hamar segundoko tartea egon da eztanda batetik bestera. Hamar edo hamabost metrora zeuden bi lehergailak. Poliziak adierazi duenez, lehenengo lehergailua jendearen arreta bereganatzeko eztandarazi dute, eta bigarren leherketa izan da lehen ministroaren autoa jo duena.
Errusiako Kaukasoa
Ingushetiako lehen ministroa zauritu eta haren bizkarzain bat hil da Nazran hirian eginiko atentatuan
Ingushetiako (Errusiako Kaukasoa) lehen ministro Ibahim Malsigov zauritu egin da Nazrin hirian izan diren bi leherketek eraginda. Interfax albiste agentzia errusiarrak adierazi duenez, Malsigov erietxera eraman dute, eta gobernuburuaren bizkarzaina hil egin da.
Iruzkinak
Ez dago iruzkinik
Ordenatu
