Hauteskundeetarako Batzorde Nagusiko presidente Roberto Rivasek eman ditu lehen emaitza ofizialak, egiazko zenbaketan oinarritutakoak. Managuako botoen %27 zenbatuta, horietatik %45,1 Marenco sandinistaren aldekoak direla agertu du Rivasek; bigarren, Alderdi Liberal Konstituzionalista eskuindarreko Pedro Joaquin Chamorro kokatu dela (%35,2), hirugarren Errepublikaren Aldeko Aliantza eskuindarreko (%14,3), eta laugarren Alderdi Liberal Independente eskuindarreko zerrendaburu Eden Pastora Zero Komandante ezaguna.
Hautesleku ataritean egindako inkesta guztiek ere FSLNri ematen diote garaipena.
Nikaragua
Inkesten eta lehen emaitzen arabera, sandinistak dira garaile Managuan
Udal hauteskundeak egin zituzten atzo Nikaraguan, eta botoa emateko lekuetan egindako inkesten arabera, FSLN Nazio Askapenerako Fronte Sandinistak irabazi ditu bozak Managua hiriburuan. Inkestek iragarritakoa baieztatzen ari dira, berriz, lehen emaitza ofizialak: %27 zenbatuta emaitzak Dionisio Marenco hautagai sandinistaren aldekoak direla adierazi dute.
Iruzkinak
Ez dago iruzkinik
Ordenatu
