Ipar Koreak gaitzetsi egin du Nazio Batuen Erakundeko Segurtasun Kontseiluak Ipar Koreako Gobernuaren misilaren jaurtiketaren inguruan hartu duen jarrera.
KCNA agentziari gaur jakinarazio dio Segurtasun Kontseiluaren "jokaera txarra" izan dela, eta Koreako Herri Errepublika Demokratikoaren eskubideak "zapaltzen" saiatzea egotzi dio.
Ipar Koreak berretsi du misilaren jaurtiketak "helburu baketsuak" zituela, eta AEBei "botere gehiegikeria" leporatu die, Segurtasun Kontseiluko kide iraunkor diren heinean. "Boikota" ere egotzi die.
Gobernuak berretsi du espazioko programa garatzen jarraituko duela, "eskubide independente bat" delako, eta hori Segurtasun Kontseiluaren ebazpenaren "gainetik" dagoelako.
