Hego Koreako Atzerri Ministerioko iturriek eman dute Ipar Koreako Gobernuaren erabaki horren berri. Zehaztu dutenez, urtarrilaren 6tik 10era bitartean egingo dute bisita ikuskatzaile estatu batuarrek, eta aditu nuklearrak zein AEBetako Legebiltzarreko aholkulariak izango dira haien artean.
'Usa Today' egunkariak aurreratu duenez, Sig Hecker Los Alamoseko laborategiko zuzendari ohia —hots, AEBetan lehen bonba nuklearrak egin zituen laborategikoa— izango da ordezkaritzako kideetako bat.
Azkenaldian harreman gatazkatsuak izan ditu Ipar Koreak nazioartekokomunitatearekin, arma nuklearrak garatzeari ekingo ziola iragarri baitzuen.
Ipar Korea
Ipar Koreako Gobernuak gune nuklear nagusia bisitatzeko baimena eman die AEBetako adituei
AEBetako ordezkaritza bati Ipar Koreako ikerketa nuklearrerako gune nagusia ikuskatzeko baimena eman dio herrialde horretako Gobernuak. 2002an NBE Nazio Batuen Erakundeko ikuskatzaileak kanporatu zituen Ipar Koreako Gobernuak, eta harrezkero, Yongbyoneko ikerketa nuklearreko gunean sartzen den atzerriko lehen ordezkaritza izango da AEBetako hori.
Iruzkinak
Ez dago iruzkinik
Ordenatu
