Iraganeko pinguinoen aztarnak

Washington. Ipar Karolinako Natur Zientzien Museoak (AEB)ikerketa bat argitaratu du, orain dela milioika urte bizi izandako pinguinoen berri emanez. Peruko kostaldean aurkitutako fosilei esker, iragan urruneko espezieak irudikatu dituzte. Deigarriena, Icadyptes salesis da --argazkian, goian--. Pinguino erraldoia zen, egungoekin alderatuta; metro eta erdiko garaiera zeukan, eta moko luze-luzea. Orain dela 36 milioi urte bizi izan zen. Perudyptes devriesi--argazkian, behekoa-- pinguinoen lehen espezietako bat izan zela uste dute adituek; orain dela 42 milioi urte bizi izan zen.