Paris kanpoaldean gertatu da erasoa, Jean Perrin de Aubervilliers ikastetxean, 07:15ean. Ordu horretan, Le Figaro egunkariak aipatutako lekukoen arabera, eskolak prestatzen ari zen irakasle bati lepoan ebakiak egin dizkio erasotzaileak, azalduz: "Daesh da, hau abisu bat da".
Irakaslea erietxera eraman dute; haren bizia ez dago arriskuan. Erasotzaileak ihes egin du, eta Poliziak ikerketa abiatu du. "Helburu terroristekin" hilketa saioa egitea egozten diote.
Laikotasuna bultzatzen dutela argudiatuta, irakasleen aurkako erasoak egingo zituela iragarri zuen Estatu Islamikoak.
