Irakeko miliziak datorren urtean desegingo direla iragarri du Alauik

Irakeko lehen ministro Ijad Alauik jakinarazi duenez, Irakeko miliziak desagertu egingo dira datorren urtean. Haietako kideak Irakeko armadara sartzeko edo bizitza zibila egiteko aukera izango dute. Hala ere, Muktada al-Sadr buruzagi xiitaren jarraitzaileek ez dute esan akordio hori beteko dutenik. Irak iparraldeko borroka gogorretan parte hartzen duten milizia Kurdoak akordioaren barne daudenik ere ez du esan, lehen ministroak.