Donald Tusk Poloniako lehen ministroak datorren urtean Iraken dauzkan tropak erretiratuko dituela iragarri du, gaur, Varsoviako legebiltzarrean. “Kontzientzia lasai eta etxeko lanak eginda” dituztela adierazi du Tuskek.
Lehen ministro liberalak hartuko dituen beste neurrien artean, Europako Ituna onartzea dago, “Europako Ituna sinatzera Lisboa eta Bruselara” joango dela adierazi du, pasa den urrian Jaroslaw Kazynski orduko lehen ministroak Lisboan iragarri zuen bezala.
Bestetik, AEBek Polonian eraiki nahi duen misilen aurkako ezkutuaren inguruan ere hartuko ditu neurriak. Kazynski anaiek ezkutuaren alde egin bazuten ere, ez du bere jarrera erakutsi nahi izan Tuskek. Oraingoz, “AEBekin, NATOrekin eta inguruko herrialdeekin” hitz egingo duela aurreratu du.
Poloniako diplomaziaren beste eginbeharrak “elkarrizketa eta kontsentsua” direla nabarmendu du Tuskek. Errusiarekin duten harremana normalizatzeaeta Ukrainari Europako Batasunean sartzen laguntzea izango dira Poloniaren helburu berriak.
Lech Kazynski presidenteak hauteskundeak aurreratu zituen pasa den urrian Polonian. Donald Tusk liberala atera zen garaile, bi urtean boterean egon den Jaroslaw Kazynskiri irabazi ostean.
Mundua
Iraken dauzkan tropak erretiratuko ditu Poloniak 2008an
Besteak beste, Europako Ituna onartuko dutela eta misilen aurkako ezkutuaren inguruan AEB eta NATOrekin eztabaida bultzatuko dutela iragarri du Tusk lehen ministro berriak.
Iruzkinak
Ez dago iruzkinik
Ordenatu
