Turkiako armadako hegazkinek PKK Kurdistango Langileen Alderdiaren 21 gune bondardatu dituzte gaur Iraken menpeko Kurdistanen, armadak berak adierazi duenez. PKK-ko militanteak zituzten helburu, Avashin Basyan eskualdean.
"Arrakastaz egin dugu operazioa, eta hegazkinak kalterik izan gabe itzuli dira", esan du armadak prentsa ohar baten bidez. Ez du jakinarazi lagunik hil duten. Turkiak Iraki egozten dio ez duela nahikoa egiten PKKren kontra egiteko.
Avashin Basyan eskualdea atzo ere bondartu zuen Turkiak. Gaurkoa, lehengo larunbatetik laugarrena izan da. Egun hartan PKK-k hamazazpi turkiar soldadu hil zituen atentatu batean. Armadaren postu bat erasotu zuten 300 bat gerrillarik.
Turkian hamabi milioi kurdu bizi dira eta 1984tik borroka armatua gauzatzen ari da PKK, independentzia lortu ahal izateko.
Mundua
Iraken menpeko Kurdistan bonbardatu du berriro Turkiak
Armadak ez du jakinarazi lagunik hil duten erasoan.
Iruzkinak
Ez dago iruzkinik
Ordenatu
