Urrian hasi eta datorren urteko martxora bitartean Iraketik tropak erretiratzea aurreikusten duen lege proiektua onartu du AEBetako Ordezkarien Ganberak. Egun, 150.000 soldadu estatubatuar daude Iraken. Ordezkarien Ganberako 218 kidek bozkatu dute egitasmoaren alde eta 208k kontra. Bihar Senatuak berretsi behar du erabaki hori.
Horrenbestez, Ordezkarien Ganberak desafio egin dio George Bush presidenteari, erretiratzeari epeak jartzen dizkion edozein lege egitasmoari betoa ezarriko ziola iragarri baitzuen.
Tropak erretiratzea ez ezik, Irakeko gerrarako 124.000 milioi dolarreko dirulaguntza gehigarria aurreikusten du lege proiektuak.
Mundua
Iraketik erretiratzea agintzen duen lege proiektua onartu du AEBetako Ordezkarien Ganberak
Egitasmo horren arabera, urrian hasiko lirateke soldaduak ateratzen, eta datorren martxoan ez litzateke geratuko Iraken AEBetako militarrik. Erabaki horren bidez, Bush presidentearen beto mehatxuari aurre egin dio Ordezkarien Ganberak.
Iruzkinak
Ez dago iruzkinik
Ordenatu
