Iranek bere indarra erakusten jarraitzen du, eta azken orduetan hainbat misil frogatu ditu. Atzo motzera botatzekoak jaurti zituen, eta gaur goizean luzera botatzekoekin ari da frogak egiten. "Itsasotik lurrera botatzeko luzerako misil bat frogatu dugu, Qader izenekoa, eta Golkoan aurretik jarritako zenbait jomuga suntsitzea lortu dugu", esan du Mahmud Musavi armadako komandanteordeak.
Pertsiar Golkoan tentsioak gora egin du azken egunetan Iranek Ormuzeko itsasartea ixtearekin mehatxu egin duelako. Ormuzeko itsasartea leku estrategikoa da, itsasoz Pertsiar Golkoko herrialdeetatik petrolioa ateratzeko bide bakarra delako. Gaur hainbat maniobra egitekoa da Irango armada, itsasartea itxiko duela irudikatuz.
