Iranek uko egin dio uranioa atzerrian aberasteko eskaintzari

Iranek ezetz esan dio jabetzan duen uranioaren %70 atzerrian aberasteko proposamenari, eta programa nuklearraren polemikan beste urrats bat egin du. IAEA Energia Atomikoaren Nazioarteko Agentziaren eskaintza jaso zuen urrian Teheranek. 1.200 kilo uranio Errusian eta Frantzian aberasteko aukera egin diote. Iranek, ordea, uranioa atzerriratu ahala erregai atomiko aberastua jasotzeko baldintza jarri du mahai gainean. IAEAk baldintzak aintzat hartu ez dituelako eta erakutsi duen konfiantza faltagatik erabaki du Teheranek proposamenari ezetz esatea. IAEAk jakinarazi du ezezkoa jaso arren eskaintzari bere horretan eutsiko diola.