ISRAEL, SUTEARI AURRE EGIN EZINIK

Israelgo Gobernuak onartu du herenegun Haifatik hurbil hasi zen sutea kontrolatzeko ez duela nahikoa baliabiderik, eta nazioarteari laguntza eskatu dio. Greziako, Zipreko, Erresuma Batuko eta Turkiako 150 suhiltzaile ailegatu ziren atzo Israelera, eta herrialde gehiagok suaren kontrako materiala bidali dute. PAN Palestinako Aginte Nazionalak, adibidez, kamioiak bidali ditu. Herenegun 41 lagun hil ziren, eta bertze 15.000 lagunek etxetik alde egin behar izan dute.