Gaza iparraldetik jaurtitako bi kohete Israelgo Sderot hiriko erdialdean erori dira bart, eta ondorio larriak izan dituzte: emakumezko bat hil egin da kohete horietako baten leherketak eragindako zauriengatik, eta gizonezko bat larri zaurituta dago. Emakumea bizirik iritsi da erietxera, baina oso zauri larriak zituen eta lasterrera hil da. Zaurituta dagoen gizonezkoa Amir Peretz Israelgo Defentsa ministroaren bizkartzaina da.
Azken orduetan ekintzaile palestinarrek Gaza iparraldetik jaurtitako sei kohetek jo dute, gutxienez, Israelgo lurra. Hamasek eta Jihad Islamikoak, biek, hartu dute beren gain eraso horien ardura.
Joan den astean erasoaldi gogorra egin zuen Israelek Gazan, hain justu, koheteekin egiten dituzten erasoak eragozteko aitzakian.
Ekialde Hurbila
Israeldar bat hil da eta beste bat larri zauritu Gazatik jaurtitako koheteek harrapatuta
Israelgo lurretan gutxienez sei kohete lehertu dira azken orduetan. Hamasek zein Jihad Islamikoak hartu dituzte beren gain eraso horiek.
Iruzkinak
Ez dago iruzkinik
Ordenatu
