Israelgo soldaduek 17 urteko palestinar bat hil dute gaur Budrusen (Palestina), Ramallahetik gertu, hango hormaren aurkako protesta batean. Gazteak bularrean eta hankatan bina tiro jaso ditu, Palestinako iturriek esan dutenez. Larri eraman dute Ramallaheko erietxera, eta han zendu da.
Israelgo Informazio Bulegoak esan du gertaera ikertzen ari dela.
Atzo Gazan (Palestina) 21 urteko mutil bat hil zuten israeldar soldaduek, tiroz. Larunbatean, 22 urteko beste palestinar bat, Gazan hura ere.
