Israelek dio gertutik zaintzen duela Sirian jazotzen ari dena

Ehud Barack Israelgo Defentsa ministroak jakinarazi du gertutik ari direla jarraitzen Siriako egoera. Armadako goi kargudunei zaintza indartzeko agindu die. Aviv Kochavi jeneralak Israelgo Legebiltzarrean jakinarazi duenez, Baxar al-Assad Siriako presidenteak Golango Gainetan —Israelek okupatutako eremutik gertu— zituen soldadu gehienak gatazka guneetara igorri ditu. Horietako gehienak, Damaskora. Al-Assaden gobernuak gehienez bi urte iraungo duela aurreikusi du Kochavik. Bestalde, Sirian talde jihadistak areagotzen ari direla ohartarazi du, eta Golango Gainetatik Siriako armadak erasoak egin ditzakeela, «desegin aurreko desesperazioan».