Atzo ehundaka lagunek Israelek Kairon duen enbaxadari eraso egin ostean, Yitzhak Levanon Israelek Egipton duen enbaxadoreak herrialdetik ihes egin du bere familia eta diplomazia taldeko hainbat kiderekin batera.
Herrialdean eman beharrezko aldaketak oso mantxo gauzatzen ari direla salatzeko eta iraultza bizirik dagoela aldarrikatzeko egin zen protesta baten ondoren, ehundaka pertsona Israelgo enbaxadara gerturatu ziren. Polizia bertan bazegoen ere, enbaxada inguratzen duen harresia bota zuen eta barrura sartu ziren; milaka dokumentu bta zituzten kalera. Erasoaren ondoren Poliziarekin eta Armadarekin izandako liskarretan gutxienez 3 pertsona hil ziren, 1050 inguru zauritu ziren eta gutxienez 17 lagun atxilotu zituzten.
Israeleko enbaxadorearen ihesaren ondorioz eta gertakarien larritasuna ikusita, Egiptoko krisi kabinete bat bildu da eta herrialdeko lehen ministroak alerta egoera ezarri du eta herrialde osoko polizien oporrak bertan behera utzi ditu.
