Israelgo armadak Gazaren (Palestina) aurka egiten jarraitzen du, bart Rafah herriko beste hiru tunel bonbardatu dituelako, leku horietatik armak jasotzen dituztelakoan. Egiptoko mugarekin bat egiten dute Gaza hegoaldeko tunelok.
Israelen arabera, euren herrialdera palestinarrek aurretik koheteak bota dituzte eta horregatik erantzun du armadak -ez du esan hildako lagunik izan den-.
Atzo Gazako iparraldean bi palestinar hil zituen, tanke batek tiro egin ondotik. Israelen arabera, lehergailu bat jartzera zihoazela-eta egin zien eraso. Hamas Palestinako erakundeak jakinarazi zuen bere kideak zirela hildakoak.
Urtarriletik Hamas eta Israel, ofizialki, su-etenean daude. Aurreko 23 egunetan israeldarren armadak eraso bortitza egin zuen Gazan, eta 1.400 bat lagun hil zituen -gehienak, zibilak-.
George Mitchell Ameriketako Estatu Batuetako (AEB) Gobernuaren Ekialde Hurbileko auziaren ordezkaria lehengo astean Benjamin Netanyahu Israelgo lehen ministroarekin eta Mahmud Abbas Palestinako Aginte Nazionaleko presidentearekin baztartu zen -bakoitzarekin aparte-, baina ez zuen lortu Israelek eta Palestinak berriro ekitea bake elkarrizketei. 2008ko bukaeratik daude etenda elkarrizketak.
munDUA
Israelek Gazako beste hiru tunel bonbardatu ditu
Egiptotik palestinarrek armak jasotzen dituztela-eta egin du eraso. Atzo bi lagun hil zituen. Urtarriletik Hamas eta Israel, ofizialki, su-etenean dira.
Iruzkinak
Ez dago iruzkinik
Ordenatu
