Israelgo armadak Gazako (Palestina) bost eremu bonbardatu ditu bart, eta hiru palestinar zauritu dira, bertako larrialdi zerbitzuek esan dutenez. Ez dute jakinarazi larri dauden ala ez.
Israelek jakinarazi du armen lantoki bati, hiru tunel "terroristei" eta lurrazpiko beste bati egin diela eraso, aurreko egunetan Gazatik koheteak bota zituztelako. "Ez dugu onartuko gure herritarrei min egiteko inolako saiorik, eta Israelen aurka terrorismoa erabiltzen duen saio ororen aurka egingo dugu".
