Israelek Hamas erakundeko palestinar bat hil du gaur Gazan (Palestina), hegazkinekin erasoa eginda, hiriko iturriek esan dutenez. Beste bi lagun zauritu egin dira.
Isralelek berretsi du erasoa egin duela, baina ez du bestelako informaziorik eman.
Ordu batzuk lehenago haren tankeen tiroen ondorioz hiru palestinar zauritu egin dira Gazan bertan. Horietako bat oso larri dago.
Azken egunetan ekintzaile palestinarrek suziriak bota dituzte Israelera. Ez dute kalte pertsonalik eragin; bai materialak.
