Israelek su-etena hautsi du eta palestinar bat hil du gaur goizaldean Gazan egindako bonbardaketa batean.
Israelgo armadak ohar baten bidez esan du hildakoa Ismail Zadi Ismail Asmar dela, eta Al Quds Brigadetako kide izatea leporatzen dio. Airez egindako erasoa Rafa hirian izan da; Israelek ibilgailu baten aurka egin du, eta Palestinako Wafa albiste agentziak aipatutako iturri ofizialen arabera, beste palestinar bat ere zauritu dute.
Beste ohar batean Israelgo armadak jakinarazi du Israelen aurka misilak jaurti dituzten bi milizianoren aurka ere misilak jaurti dituela. Ez dute esan eraso hauetan biktimarik egon den.
Eraso hauekin Israelek hautsi egin du astelehenean Palestinako talde guztiekin adostutako su-etena.
