Peat Sadeh, Rafiah Yam, Gan Or, Netzer Hazani, Kfar Yam, Shirat Hayam, Tel Katifa, Bedolah, Ganei Tal, Kerem Atzmona, Morag, Slav, Neve Dekelim eta Kfar Daromgo asentamenduak hutsik daude dagoeneko, Israelgo Armadako iturriek jakitera eman dutenez. Nolanahi ere, horietako toki batzuetan erresistentziako kideak geratzen direla aitortu dute iturri horiek.
Gaur Gadideko asentamendua hustu nahi dute, eta datorren astean gainerakoak hutsik egotea espero du Israelek: hain justu Atzmona, Katif, Netzarim, Dugit, Nissanit eta Elei Sinai.
Bien bitartean, Zisjordaniako Ganim eta Kadim asetamenduetatik bere kabuz atera da jende gehiena, eta datorren asteanSa-Nur eta Homesh asentamenduak hustuko dituzte.
Israelgo Armadak desjabetze lanak utziko ditu gaur arratsaldean larunbateko atsedenagatik
Israelgo Armadak desjabetze lanak alde batera utziko ditu gaur arratsaldean larunbateko atseden eguna dela-eta. Gazako desjabetzea hurrengo astearen erdialdera amaitzea espero dute. Gaur iluntzean, eguzkia ezkutatzen denean emango zaio hasiera larunbateko atsedenari, eta Israelgo Armadak ohiko indar armatuak utziko ditu oraindik hustu gabe daudenasentamenduetan. Gutxi gorabehera, 500 familia geratzen dira oraindik.
Ekialde Hurbila
Israelgo Armadak dio 21 asentamenduetatik 16 hutsik daudela
Israelgo Armadak jakinarazi duenez, Gazako 21 asentamenduetatik 16 hutsik daude dagoeneko. Jendea bere kabuz atera da haietatik, eta hala atera nahi izan ez duena indarrean atera dute. Beraz, iturri horien arabera, Gazan bizi ziren 8.500 kolonoetatik ehunka batzuk baino ez dira gelditzen orain.
Iruzkinak
Ez dago iruzkinik
Ordenatu
