Gazako Gobernuak salatu du sei palestinar hil dituela Israelgo armadak iparraldean egindako bi erasotan. Horietatik hiru, tankeek tiroz hil dituzte bi herrialdeen arteko mugan, Axraf al-Qedra Gazako Osasun Ministerioko bozeramaileak salatu duenez. Israelek, berriz, azaldu du «talde terrorista» bati eraso egin diola, mugako hesian «lehergailu bat jartzera zihoazelako».
Beste hiru palestinarrak, airetik erasota hil ditu Israelgo armadak, eta Tel Avivek jakinarazi du Israel hegoaldera eskuz egindako misil bat botatzera zihoazelako tiro egin diela. Hamaseko segurtasun indarrek baieztatu dute hildako palestinarrak Israelen aurka eskuz egindako misil bat botatzera zihoazen milizianoak zirela.
Israelgo armadak sei palestinar hil ditu Gazako bi erasotan
Tankeekin tiro eginda hil dituzte hiru, eta besteak, airetik erasota; Israeli eraso nahi izatea leporatu die Tel Avivek
Iruzkinak
Ez dago iruzkinik
Ordenatu
