Israelgo Armadak zortzi palestinar hil ditu aireko erasoetan

Gazako lurraldean Israelgo Armadak gaur goizean eta arratsaldean egindako aireko erasoetan zortzi palestinar hil dira. Asteartetik Israelek gisa horretako zortzi eraso egin ditu. Atzo, gutxienez, zazpi palestinar hil zituen.

Gaur goizean palestinarrek suziriak jaurtitzen jarraitu dute Israelen aurka eta horietatik sei Sderot herriko eremu irekian erori dira, Israelgo irrati publikoak adierazi duenez.

Al Fata eta Hamasen adar armatuen arteko borroketan, berriz, palestinar arrantzale bat hil da gaur, tiroz.