Gazatik erretiratzeko planak eztabaida sortu du Israelgo eskuineko sektoreen artean; baita Likud alderdiaren barruan ere. Izan ere, lehen ministroak bultzatu du plana, baina bere alderdiko —zein Gobernuko— hainbat kidek, beste sektore eskuindar batzuekin bat eginda, ez dute ondo ikusten.
Hain zuzen ere, Likudeko Batzorde Zentralak erabaki zuen galdeketa behartzeko lege proposamena aurkeztea Legebiltzarrean, Sharonen iritziaren aurka. Parlamentuak, ordea, atzera bota du ekimena.
Ekialde Hurbila
Israelgo Legebiltzarrak atzera bota du Gazatik erretiratzeari buruz erreferenduma egiteko proposamena
Gazatik erretiratzeko planari buruz erreferenduma egiteko proposamena atzera bota du Israelgo Legebiltzarrak. Diputatuetatik 72k aurka bozkatu dute, 39k alde eta hiru abstenitu egin dira. Erretiratzearen kontrakoen artean Ariel Sharon lehen ministroaren Likud alderdiko zenbait legebiltzarkide daude.
Iruzkinak
Ez dago iruzkinik
Ordenatu
