Jerusalem ekialdeko lurralde okupatuetan hil dute palestinarra, Israelgo Poliziaren bozeramaile Micky Rosenfeldek jakinarazi duenez: "Gauean, Mugako Poliziaren operazioak izan dira Shuafaten. Unitateak hara zihoazela, Palestinako auto bat horiek harrapatzen saiatu da".
Rosenfelden arabera, poliziek, "berehalako arriskuari aurre egiteko, autoa geldiarazi zuten. Tiro ugari egin ziren autoaren aurka. Bi susmagarriak zauritu ziren. Bat erietxean hil zen, eta besteak zauriak ditu". Poliziarik ez da zauritu.
Ynet atariak jakinarazi duenez, Mustafa Nimr da hildakoa, eta 20 urte zituen. Autoan harekin zihoanak 25 urte ditu, eta Jerusalemgo Hadasa ospitalera eraman dute.
