Israelgo Poliziak bi palestinar hil ditu tiroz Ramallahen. Iturri ofizialek azaldu dutenez, gizon-emakumeak dira hildakoak, eta kontrol gune bat zaintzen ari ziren militarrei erasotzen ahalegindu dira. Segurtasun indarren arabera, ustezko erasotzaileak oinez abiatu dira Ramallah eta Jerusalem banatzen dituen Kalandiako kontrolgunea igarotzera, eta militarrek gelditzeko agindu dietenean entzungor egin diete. Jarraian, emakumeak labana bat atera eta soldaduetako bati jaurti dio eta militarrek tirokatu egin dituzte.
Aldiz, Maan albiste agentziaren arabera, gizonezkoa adingabe palestinarra zen, eta emakumeari aguntzera gerturatu denean tirokatu dute soldaduek.
Joan den urriaz geroztik 200dik gora palestinar hil dituzte Israelgo segurtasun indarrek.
