Israeli Golango Gaina itzultzeko eskatuko dio Siriako oposizioak

Bashar al Assaden erregimena erori eta boterea hartuz gero, oposizioko SNC Siriako Kontseilu Nazionalak hitzeman du Israeli Golango Gaina itzultzeko exijituko diola. «Israelek, noski, geure lurra okupatu zuen: Golango Gaina. Baina Israelekiko elkarrizketak berriz hasiko ditugu egungo erregimenak utzi zituen toki berean», ziurtatu du Burhan Galiun SNCko buruak. Golango Gaina 1967an kendu zion Israelek Siriari, Sei Eguneko Gerran.